The Free Site   |  vBuddy - business networking   |  Cheap Web Hosting - starting at $5

ST. ANDREW'S BAND CLUB

Bethsaida Palace,
17, Misrah il-Knisja,
Luqa, MALTA


speaker speaker

HIDMA U ATTIVITA'

:

 

Il-Bidu ta' l-Armar ghall-Festa tar-rahal:




L-istatwa ta' Malta Gwerriera - 1884

L-Ghaqda Muzikali Sant'Andrija jew kif kienet maghrufa dak iz-zmien bhala Societa' Filarmonica Sant'Andrija, rat il-bidu taghha fl-1883. Kif il-banda ssahhet sew, is-socjeta' bdiet tahseb sabiex ikollha statwa simbolu taghha, li tkun tista tintrama fil-festa fil-Pjazza tar-Rahal. Uhud mis-soci xtaqu li ssir statwa ta' Santa Maximilla, peress illi din kellha konnessjoni mal-martirju ta' Sant'Andrija, filwaqt illi ohrajn xtaqu statwa ta' Malta bhalma kien qed isir f'postijiet ohra. Ghaldaqstant saret laqgha ghas-soci kollha u fiha gew ipprezentati zewg abbozzi: wiehed ta' Malta u l-iehor ta' Santa Maximilla. Il-maggoranza ghazlet l-istatwa ta' Malta u ghalhekk giet ordnata din l-istatwa ghand l-istatwarju Karlu Darmanin. 'L quddiem l-istatwa ta' Santa Maximilla saret xorta wahda bi flus li hargu xi membri. L-istatwa ta' Santa Maximilla ghadha sal-lum tintrama fi triq il-Karmnu fi zmien il-festa ta' Sant'Andrija.

Il-pedestall ta' l-istatwa ta' Malta inhadem minn zewg membri tas-socjeta': l-imghallem Gian Patist Cremona u P. Zammit, fuq disinn ta' socju iehor li ghamel isem ghall-hila tieghu, il-Perit Indri Vassallo. Il-gbir ghal din l-istatwa sar mill-istudenti Giacomo Baldacchino u Francesco Schembri. Fil-festa ta' Sant'Andrija ta' l-1886, izzanznet l-istatwa ta' Malta fuq pedestall b'zewg pilandri ghal quddiem il-Pedestall.

Ghal din l-okkazjoni l-Banda Sant'Andrija daqqet Innu lil Sant'Andrija Appostlu fuq versi ta' wiehed mhux maghruf u mmuzikat mis-surmast taghha Mro. Tumaso Galea. Il-partijiet ta' dan l-Innu jinsabu mizmuma b'ghozza kbira fl-Arkivju tal-Kazin.

Wara nuqqas ta' 15-il sena jigifieri mill-1979 sa' l-1994, rajna t-tlugh mill-gdid ta' l-Istatwa ta' Malta Gweriera fuq il-kolonna taghha. Wara hafna proponimenti fejn setghet tigi armata l-kolonna, billi l-post fejn kienet tintrama illum ittiehed mill-kolonna l-gdida ta' Sant'Andrija, intghazel 'bi prova' post ezatt wara l-plancier u ghidna 'bi prova', ghaliex kienu hafna dawk li hasbu li l-post ma kienx prominenti jew addattat ghal statwa antika bhal dik ta' Malta. Imma malli l-istatwa ddahhlet fuq il-kolonna fost il-brijju tal-partitarji dehret li kienet saret ghazla tajba. U ghalhekk ergajna tajna gieh lil din l-istatwa li issa ghalqet il-mitt sena taghha u kienet inhadmet mill-iskultur maghruf Karlu Darmanin.

F'Hal Luqa baqghalna hjiel zghir ta' l-id li kellu ghad-disinn il-Perit Indri Vassallo, u dan il-hjiel narawh fl-armar li kien jintrama fil-pjazza ta' Hal Luqa sas-sena 1981, flimkien mal-pedestall li ghadu jintrama sal-lum mill-Ghaqda Muzikali Sant'Andrija. Fil-fatt Indri Vassallo kien socju tal-Ghaqda Muzikali Sant'Andrija u meta kien gie deciz li jsir pedestall u statwa ta' Malta Gwerriera, dan kien gie avvicinat u nhadem il-pedestall flimkien ma' zewg pilandri fuq disinn tieghu. F'dan ix-xoghol wiehed jista jara s-sengha ta' proporzjonijiet perfetti li fih, u ghadu meqjus bhala wiehed mill-isbah xoghlijiet li jintramaw fil-festa. Id-disinn tal-pedestall kien ghamlu meta kellu biss 29 sena ghax fil-fatt intrama ghall-ewwel darba fl-1886. Dwar l-armar l-iehor, nistghu nghidu li hu ta' certu klassi, fejn il-proporzjonijiet huma perfetti. Hawnhekk nistghu nghidu li wara hafna snin mitluq, u wara li l-Kappillan Dun Alfred Vella avvicina liz-zewg kumitati tal-Banda dwar dan, membri taghna ddecidew li jigbru dan l-armar kollu fil-mahzen taghna biex ma' l-ewwel okkazjoni li jsibu jirrestawraw xi ftit minnhu biex jerga jintrama ghall-festa. Fil-fatt dan sehh fis-sena 2002.


Malta Gwerriera pilandri antiki statwa ta' Malta fuq pedestall


Hidma u Attivita'

Copyright ©2001 - St. Andrew's Band Club, Luqa Malta

Send any questions or problems regarding
this service to the administrator.

last modified: May 2006